حضرت فاطمہ (س) کے یوم شہادت پر ہر آنکھ اشکبار

  • بدھ, 31 جنوری 2018 11:06

شیعہ نیوز(پاکستانی شیعہ خبر رساں ادارہ) دختر رسول جناب فاطمہ زہرا سلام اللہ بیس جمادی الثانی ہجرت سے آٹھ سال قبل پیغمبر اسلام حضرت محمد مصطفی صلی اللہ علیہ وآلہ وسلم اور جناب خدیجہ الکبری سلام اللہ علیہا کے بیت الشرف میں اس دنیا میں تشریف لائیں-

شہزادی کونین اعلی الہی اور انسانی کمالات و فضائل کی حامل تھیں- آپ کی الہی فضیلت میں یہی کافی ہے کہ آپ جب بھی بزم رسالت میں تشریف لاتیں پیغمبر اسلام صلی اللہ علیہ وآلہ وسلم آگے بڑھ کر آپ کا استقبال کرتے اور بی بی دوعالم کو اپنی جگہ پر بٹھاتے-

شہزادی کونین حضرت فاطمہ زہرا سلام اللہ علیہا کے یوم شہادت کی مناسبت سے پوری دنیا سوگوار اور سیاہ پوش ہے۔

پیغمبر اسلام (ص) کی لخت جگر، بی بی دو عالم جناب سیدہ (س) کے یوم شہادت کی مناسبت سے اسلامی جمہوریہ ایران اور پاکستان کے تمام چھوٹے بڑے شہروں خاص طور سے مشہد المقدس اور قم المقدسہ میں ہر طرف مجلس عزاء اور ماتم و سینہ زنی کا سلسلہ جاری ہے۔

سوگواروں و عزاداروں کی جانب سے نہایت عقیدت و احترام کے ساتھ بی بی دو عالم حضرت فاطمہ زہرا (س) کو خراج عقیدت پیش کیا جا رہا ہے۔

پیغمبر اسلام صلی اللہ علیہ و آلہ وسلم کی لخت جگر، شہزادی کونین، حضرت فاطمہ زہرا (س) کے یوم شہادت کی مناسبت سےشیعہ نیوز اہلبیت اطہار علیہم السلام کے تمام چاہنے والوں کی خدمت میں بادل مغموم تعزیت پیش کرتا ہے۔

حضرت فاطمہ (س) کے یوم شہادت پر ہر آنکھ اشکبار

Leave a comment

Make sure you enter the (*) required information where indicated. HTML code is not allowed.