25 نومبر 2017

شیعہ نیوز (پاکستانی شیعہ خبر رساں ادارہ)اصغریہ علم و عمل تحریک پاکستان کا دوسرا مرکزی کربلا محور انسانیت کنونشن ثقافتی مرکز بھٹ شاہ ضلع مٹیاری سندھ میں شروع ہو گیا ہے، جو کہ 26 نومبر تک جاری رہے گا۔ سندھ بھر سے کارکنان کا قافلوں کی صورت میں بھٹ شاہ پہچنے کا سلسلہ شروع ہوگیا ہے، کنونشن میں شرکاء خواتین اور مرد حضرات کیلئے الگ الگ پنڈال بنائے گئے ہیں۔ کنونشن کا پنڈال ثقافتی مرکز بھٹ شاھ کے مین آڈیٹوریم میں بنایا گیا ہے، جبکہ اصغریہ خواتین علم و عمل تحریک کے کنونیشن کا پنڈال ثقافتی مرکز کے ہاسٹل پارک میں بنایا گیا ہے۔ کنونشن کے ابتدائی سیشن سے خطاب کرتے ہوئے انجنئیر سید حسین موسوی نے کہا کہ کربلا مظلومینِ جہاں کی آواز ہے، دنیا میں محکوم اور مظلوم اقوام کیلئے کربلا کی تحریک جرأت اور حریت کا سبب ہے۔

Read more...
25 نومبر 2017

شیعہ نیوز (پاکستانی شیعہ خبر رساں ادارہ)جموں و کشمیر انجمن شرعی شیعیان کے سربراہ اور سینئر حریت رہنما آغا سید حسن الموسوی الصفوی نے بھارتی ٹی وی چینل ’’آج تک‘‘ کے اینکر روہت سردانہ کی امہات المؤمنین اور سید فاطمۃ الزرا (س) کی شان اقدس میں گستاخی پر شدید غم و غصے اور سخت الفاظ میں مذمت کی۔ انہوں نے واضح کیا کہ دنیا کا کوئی بھی اور کسی بھی طبقۂ فکر سے تعلق رکھنے والا مسلمان اپنے نبی (ص)، ازدواج نبی (ص) یا ایلبیت (ع) و اصحاب نبوی (ص) میں سے کسی ایک کے خلاف بھی ناشائستہ الفاظ برداشت نہیں کرسکتا ہے۔ انہوں نے کہا کہ ان مقدس ہستیوں کی شان میں توہین کرنے والا کوئی بھی شخص مسلمانوں کی نظر میں سب سے بڑا ملعون ہے۔ مرکزی امام باڑہ بڈگام میں جمعہ اجتماع سے خطاب کرتے ہوئے آغا سید حسن نے کہا کہ مودی حکومت کے چار سال کے دوران اکثر بھارتی ٹی وی چنلوں پر ہندو فرقہ پرستوں کا اثر و رسوخ کا فی حد تک بڑھ چکا ہے اور ایسے پروگرام متواتر نشر کئے جارہے ہیں جن سے مسلمانوں کے دینی جذبات مجروح ہورہے ہیں۔

آغا سید حسن نے کہا کہ روہت سردانہ نے ازدواج نبی (ص) اور سیدہ فاطمہ زہرا (ص) کی سان میں گستاخانہ بکواس کرکے اپنے اسلام اور مسلمان دشمنی کا برملا مظاہرہ کیا۔ آغا سید حسن نے مطالبہ کیا کہ روہت سردانہ کو اس فتنہ انگیزی پر قانون کے شکنجے میں لایا جائے۔ اس موقعہ پر آغا سید حسن نے بنگلہ دیش میں اسلام پسندوں بالخصوص جماعت اسلامی کے ضعیف العمر اراکین کی سزائے موت کے لامتناعی سلسلے کی شدید الفاظ میں مذمت کرتے ہوئے کہا کہ فرضی الزامات کے تحت وہاں کے اسلام پسندوں کو 1972ء کے جنگ کے دوران متحدہ پاکستان کی خواہش اور خواب کی سزا دی جارہی ہے۔

Read more...
25 نومبر 2017

شیعہ نیوز ( پاکستانی شیعہ خبر رساں ادارہ) پشاور میں آج صبح خودکش بم دھماکے میں شہید ہونے والے ایڈیشنل آئی جی محمد اشرف نور کو ہزاروں سوگواروں کی موجودگی میں آہوں اور سسکیوں کے ساتھ اسکردو میں سپردخاک کر دیا گیا۔ شہید کی نماز جنازہ پولیس گراؤنڈ اسکردو میں ادا کر دی گئی، جس میں فورس کمانڈر گلگت بلتستان میجر جنرل ثاقب محمود، کمانڈر 62 بریگیڈ بریگیڈئیر اظہر منیر کاہلو، سول انتظامیہ کے افسران، سیاسی نمائندوں، مختلف مکاتب فکر کے علمائے کرام اور ہزاروں لوگوں نے شرکت کی۔ شہید کی نماز جنازہ نور بخشیہ مکتب فکر کے عالم دین قاری غلام رسول نے پڑھائی۔ نماز جنازہ کے بعد شہید کے جسد خاکی کو پولیس کے چاق و چوبند دستے نے سلامی دی۔ پولیس گراؤنڈ میں نماز جنازہ کے موقع پر سکیورٹی کے سخت انتظامات کئے گئے تھے۔ جنازے میں شریک ہونے والے افراد کو واک تھروگیٹ سے گزارا گیا۔ فورس کمانڈر سمیت اعلٰی فوجی افسران نے شہید کی میت کو کندھا دیا۔ اشرف نور شہید کے جسد خاکی کو سی ون تھرٹی کے ذریعے خیبر پختونخوا سے اسکردو لایا گیا تھا۔ واضح رہے کہ اے آئی جی محمد اشرف نور کو جمعہ کی صبح پشاور میں گھر سے دفتر جاتے ہوئے نشانہ بنایا گیا تھا، جس میں اشرف نور اپنے گن مین کے ہمراہ شہید ہوگئے تھے۔

Read more...
24 نومبر 2017

شیعہ نیوز (پاکستانی شیعہ خبر رساں ادارہ) آل سعود کی جانب سے یمن کا ظالمانہ محاصرہ جاری ہے جبکہ اس محاصرے کے نتیجے میں ہزاروں مریض دم توڑ گئے ہیں۔

سرکاری طور پر شائع ہونے والے اعداد و شمار کے مطابق ساڑھے تیرہ ہزار یمنی مریض سعودی عرب کے ہاتھوں صنعا کا بین الاقوامی ہوائی اڈہ بند کردیئے جانے کی وجہ سے دم توڑچکے ہیں۔

یمن کی وزارت صحت کے عہدیداروں نے خبردار کیا ہے کہ محاصرے کے نتیجے میں اسپتالوں میں دواؤں اور طبی وسائل کی قلت کی وجہ سے اب اسپتالوں کے بند ہوجانے کا بھی خطرہ پیدا ہوگیا ہے۔

اس درمیان یمن میں اقوام متحدہ کے انسان دوستانہ امور کے کو آرڈینیٹر جیمی میک گولڈریک نے کہا ہے کہ سعودی عرب کے ذریعے یمن کے ہوائی اڈوں اور بندرگاہوں کا محاصرہ فوری طور پرختم ہونا چاہئے کیونکہ محاصرے کی وجہ سے یمن میں وبائی امراض اور قحط کا دائرہ مزید پھیل رہا ہے۔

اقوام متحدہ کے انسان دوستانہ امور کے کوآرڈینیشن دفتر کے ترجمان نے بھی کہا ہے کہ سعودی عرب اور اس کے اتحادیوں کے ذریعے یمن کا محاصرہ بدستور جاری ہے جس کی وجہ سے یمنی عوام غذائی قلت کا شکار ہیں۔

یاد رہے کہ سعودی عرب نے امریکہ، اسرائیل اور دیگر عرب ممالک کے تعاون سے مارچ دو ہزار پندرہ میں یمن پر جنگ مسلط کی تھی جس میں وہ اب تک بری طرح ناکام رہا ہے اور اپنی شکست کا بدلہ یمنی عوام پر ادویات اور غذائی اشیاء کی ترسیل روک کر لے رہا ہے۔

Read more...
24 نومبر 2017

شیعہ نیوز (پاکستانی شیعہ خبر رساں ادارہ) پاکستان پیپلز پارٹی سے تعلق رکھنے والے سینیٹر فرحت اللہ بابر نے سعودی عرب کے دارالحکومت ریاض میں نام نہاد اسلامی فوجی اتحاد کے باقاعدہ افتتاح سے قبل تحفظات کا اظہار کرتے ہوئے وزیردفاع سے سینیٹ کی منظوری کے بغیر کوئی معاہدہ نہ کرنے کا مطالبہ کردیا۔

فرحت اللہ بابر نے حکومت سے مطالبہ کیا کہ وہ 41 رکنی نام نہاد اسلامی فوجی اتحاد کے ٹی او آرز سے متعلق پارلیمنٹ کو اعتماد میں لے۔

نام نہاد اسلامی فوجی اتحاد کے رکن ممالک کے وزرا دفاع کا اجلاس 26 نومبر کو ہوگا جہاں اس اتحاد کا باقاعدہ افتتاح کیا جائے گا۔ سعودی ولی عہد محمد بن سلمان ریاض میں ہونے والے اجلاس کا افتتاح کریں گے جو اس اتحاد کے اصل محرک ہیں۔

پی پی پی سینیٹر فرحت اللہ بابر نے کہا کہ اس فوجی اتحاد سے متعلق اتوار کو اجلاس ہونے جا رہا ہے اور کہا گیا ہے کہ اسلامی فوجی اتحاد کے مقاصد چار اہم امور ہیں جس میں نظریہ، رابطہ، انسداد دہشت گردی فوج اور اس کا مالی تعاون شامل ہے اور یہ تمام چاروں نقاط اہم ہیں جن کے دور رس اثرات مرتب ہوں گے۔

انھوں نے کہا کہ ہم نے ٹی او آرز سے متعلق پوچھا تو کہا گیا تھا کہ مئی میں اتحاد کا اجلاس ہوگا لیکن اتوار کو اجلاس بھی بلا لیا گیا۔

اسلامی فوجی اتحاد پر تحفظات کااظہار کرتے ہوئے ان کا کہنا تھا کہ پارلیمنٹ نے سوال اٹھایا تھا کہ سابق آرمی چیف کو ٹی او آرز طے ہونے سے قبل سعودی عرب کیوں بھیج دیا گیا۔

فرحت اللہ بابر نے سوال کیا کہ 'حکومت سعودی عرب سے کوئی وعدہ کرنے سے قبل پارلیمنٹ کو اعتماد میں کیوں نہیں لیتی'؟

انھوں نے مطالبہ کیا کہ حکومت ٹی او آرز سے متعلق تمام تفصیلات ایوان کے سامنے رکھے کیونکہ اتوار کو جو اجلاس ہوگا اس کے دور رس نتائج مرتب ہوں گے۔

Read more...
24 نومبر 2017

شیعہ نیوز (پاکستانی شیعہ خبر رساں ادارہ) قابض صہیونی فوج نے فلسطین کے مقبوضہ مغربی کنارے کے راستے سے غزہ کی پٹی کو بھیجا گیا درجنوں ٹن تجارتی سامان لوٹ لیا۔

مقامی فلسطینی ذرائع کا کہنا ہے کہ غرب اردن سےتجارتی سامان سے لدے ٹرک جب غزہ کی سرحد تجارتی راہ داری’کرم ابو سالم‘ پر پہنچے تو اسرائیلی فوج نے انہیں روک لیا اور تلاشی لینے کے بہانے سارا سامان لوٹ لیا۔

خیال رہے کہ اسرائیل نے غزہ کی پٹی کو 500 اقسام کی تجارتی اشیاء، صنعتی سامان اور خام مال کی فراہمی پرغیر انسانی اور غیر اخلاقی پابندی عائد کر رکھی ہے۔

Read more...
24 نومبر 2017

شیعہ نیوز (پاکستانی شیعہ خبر رساں ادارہ) عراقی فوج اور رضاکار فورسز نے ریگستانی علاقوں میں چھپے ہوئے داعشی درندوں کے خلاف جامع آپریشن کا آغاز کردیا ہے۔

عراق سے موصولہ اطلاعات کے مطابق، عراقی فوج اور عوامی رضاکار فورسز نے ریگستانی علاقوں میں چھپے ہوئے داعشی دہشت گردوں کے خلاف جامع کارروائی کا آغاز کیا ہے۔

عراقی فوج کا کہنا ہے شام سے ملحقہ سرحدوں اور ریگستانی علاقوں سے بھی دہشت گردوں کا مکمل طور پر صفایا کردیا جائے گا۔

واضح رہے کہ عراق کے تمام شہروں کو دہشت گردوں سے مکمل طور پر آزاد کرالیا گیا ہے جس کی وجہ سے بہت سارے دہشت گردوں نے ریگستانی علاقوں کا رخ کیا ہے۔

یاد رہے کہ عراقی وزیر اعظم حیدر العبادی نے منگل کے روز کہا ہے کہ داعش کے جنگجوؤں کو فوجی لحاظ سے شکست دی جا چکی ہے۔ لیکن، وہ فتح کا حتمی اعلان ریگستان میں چھپے داعشی درندوں کی شکست کے بعد کریں گے۔

Read more...
24 نومبر 2017

شیعہ نیوز (پاکستانی شیعہ خبر رساں ادارہ) یمنی فوج اور عوامی رضاکار فورس کے جوانوں نے جنوبی سعودی عرب میں سعودی فوج کے ٹھکانوں کو نشانہ بنایا۔

یمن کی سرکاری خبر رساں ایجنسی کے مطابق فوج اور انصار اللہ کے عوامی رضاکاروں کے توپخانے کے یونٹ نے عیسر، نجران اور جیزان علاقوں میں سعودی فوج اور ان کے اتحادیوں کے ٹھکانوں کو گولہ باری کا نشانہ بنایا جس کے نتیجے میں متعدد فوجی ہلاک ہوگئے۔ یمنی فوج اور عوامی رضاکار فورس کے جوانوں نے نجران کے علاقے میں، شرفہ، السدیس اور حصن الحماد نامی سعودی فوجی ٹھکانوں کو بھی میزائل اور توپ خانے سے نشانہ بنایا ہے۔ جیزان کے علاقے برج العبادیہ میں سعودی فوج کی ایک ٹولی پر یمنی فوج کے میزائل حملے کے نتیجے میں متعدد سعودی فوجی ہلاک اور زخمی ہوئے ہیں۔

یاد رہے کہ سعودی عرب نے امریکہ اور بعض عرب ملکوں کی حمایت سے مارچ دو ہزار پندرہ میں یمن کے خلاف جارحیت کا آغاز کیا تھا اور مشرق وسطی کے اس غریب اسلامی ملک کا زمینی، فضائی اور سمندری محاصرہ بھی کر رکھا ہے۔

Read more...
24 نومبر 2017

شیعہ نیوز (پاکستانی شیعہ خبر رساں ادارہ) اسرائیلی وزیراعظم نیتن یاہو نے کہا ہے کہ اسرائيل کا بعض عرب ممالک کے ساتھ خفیہ تعاون جاری ہے۔

متعدد اسرائیلی وزرا کے بعد اسرائیل کے وزیراعظم نیتن یاہو نے بھی اس بات کا اعتراف کیا ہے کہ اسرائيل کا بعض عرب ممالک کے ساتھ خفیہ تعاون جاری ہے۔ اس سے قبل اسرائيلی فوج کے سربراہ نے کہا تھا کہ اسرائيل سعودی عرب کے ساتھ خفیہ معلومات کا تبادلہ کرنے کے لئے تیار ہے۔ اسرائیلی وزیراعظم نیتن یاہو نے کہا کہ اسرائیل بعض عرب ممالک کے تعاون سے اپنے اہداف کی جانب بڑھ رہا ہے ۔ اس نے کہا کہ بعض عرب ممالک کے ساتھ اسرائيل کا قریبی اور خفیہ تعاون جاری ہے۔

واضح رہے کہ حالیہ چند عرصے کے دوران اسرائیل اور سعودی عرب کے درمیان کافی قربت منظرعام پرآئی ہے جو کہ اس سے پہلے خفیہ ہوا کرتی تھی۔ اس کے علاوہ اسرائیل کے مختلف وزرا نے سعودی وزیر خارجہ اور ولی عہد کو سعودی عرب میں اپنا نمائندہ قرار دیا تھا۔

Read more...
24 نومبر 2017

شیعہ نیوز(پاکستان خبررساںادارہ)تحریر

 موت کے بار ے میں حضرت علی علیہ السلام کی وصیت جسے پڑھ کر آپکی روح لرز جاے

اے اللہ کے بندو!
میں تمہیں دنیا کے چھوڑنے کی وصیت کرتا ہوں جو تمہیں چھوڑ دینے والی ہے،حالانکہ تم اسے چھوڑنا پسند نہیں کرتے، اور وہ تمہارے جسموں کو کہنہ و بوسیدہ بنانے والی ہے،تمہاری اور دنیا کی مثال ایسی ہے جیسے چند مسافر کسی راہ پر چلے اور چلتے ہی منزل طے کر لیں،(یعنی بہت جلد اپنے انجام کو پہنچ جائیں)دنیا کی عزت اور اس میں سر بلندی کی خواہش نہ کرو اور نہ اس کی آرائشوں اور نعمتوں پر خوش ہو،اور نہ اسکی سختیوں اور تنگیوں پر چختے چلانے لگو،اس لیے کہ اس کی عزت و فخر دونوں مٹ جانے والے ہیں اور اسکی آرائشیں اور نعمتیں زائل ہو جانے والی ہیںاور اسکی سختیاں اور تنگیاں آخر ختم ہو جائیں گی،ہر زندہ کا انجام فناہ ہونا ہے،
کیا پہلے لوگوں کے واقعات تمہارے لیے کافی تنبیہ کا سامان نہیں، اور تمہارے لیے عبرت اور بصرت نہیں ؟اگر تم سوچو سمجھو!کیا تم گزرے ہوے لوگوں کو نہیں دیکھتے کہ وہ پلٹ کر نہیں آتے اور انکے بعد باقی زندہ رہنے والے بھی زندہ نہیں رہتے،اور تم دنیا والوں پے نظر نہیں کرتے جو وہ صبح شام کرتے ہیں:کہیں کوئی میت ہے جس پے رویا جا ریا ہے،کہیں کوئی مبتلاے مرض ہے اور عیادت کرنے والا عیادت کر رہا ہےاورکہیں کوئی دم توڑ رہا ہے۔کوئی دنیا تلاش کرتا پھرتا ہے اور موت اسے تلاش کر رہی ہے اور کہیں کوئی غافل پڑا ہے لیکن (موت) اس سے غافل نہیں ہے،گزر جانے والوں کے نقش قدم پر ہی باقی رہ جانے والے چل رہے ہیں۔
میں تمہیں منتبہ کرتا ہوں کہ بداعمالیوں کے ارتقاب کے وقت ذرا موت کو بھی یاد کر لیا کرو کہ جو تمام لذتوں کو مٹا دینے والی ہے اور نفسانی مزوں کو کرکرا کر دینے والی ہے،اللہ کے واجب الادا حقوق ادا کرنے اور اسکی ان گنت نعمتوں اور لا تعداد احسانوں کا شکر بجا لانے کے لیے اس سے مدد مانگتے رہو۔
حوالہ:
نہج البلاغہ، خطبہ نمبر 97

Read more...
صفحہ 1 کا 1713