بحرینی علماء کی عوام سے 14 فروری کو وسیع پیمانے پر احتجاج میں شرکت کی اپیل

  • منگل, 13 فروری 2018 14:22

شیعہ نیوز(پاکستانی شیعہ خبر رساں ادارہ) بحرین کے علماء نے اس دن کو ایک تاریخی دن قرار دیا اور بحرینی عوام کو اسے ہمیشہ زندہ رکھنے کی ضرورت کی طرف متوجہ کرایا، تا کہ وہ کبھی کسی قابض اور ستمگر کے چنگل میں نہ آسکیں۔بحرینی علماء نے ایک بیانیہ میں اس بات پر زور دیا کہ انقلاب کے چھ سال گزرنے کے باوجود، آج ہماری نئی لیکن جانثار اور بہادر نسل فداکاری کے لئے تیار ہے۔اس بیانیہ میں آیا ہے کہ ”ہم اپنی دلیر قوم سے چاہتے ہیں کہ بڑے پیمانے پر مختلف شہروں کے میدانوں میں حاضر ہوجائیں اور متحد ہو کر تمام پر امن احتجاجوں میں بھرپور شرکت کریں۔“علماء نے انقلاب کی ابتداء سے آج تک خواتین کی ہر میدان میں حاضر رہنے کو سراہا اور یہ کہا کہ پورا ملک ان کی اس حاضری کا مقروض اور احسان مند ہے۔واضح رہے کہ پچھلی بار بحرینی شیعوں کے لیڈر شیخ عیسی قاسم کے مقدمے کے قریبی دنوں میں بحرینی علماء کی کال کے ردعمل میں دسیوں ہزار لوگ کفن پوش ہو کر مختلف علاقوں میں احتجاجوں کے لئے نکلے تھے۔

Leave a comment

Make sure you enter the (*) required information where indicated. HTML code is not allowed.