برما کے مسلمانوں میں ایران کی جانب سے امدادی اشیا کی تقسیم

  • پیر, 18 ستمبر 2017 16:20

شیعہ نیوز (پاکستانی شیعہ خبر رساں ادارہ) اسلامی جمہوریہ ایران کی وزارت خارجہ کے ایشیا اور بحرالکاہل کے امور کے ڈائریکٹرابراہیم رحیم پور کی سرپرستی میں ایران کا امدادی وفد بنگلہ دیش پہنچ گيا ہے جہاں اس نے ایران کی طرف سے ارسال کردہ امدادی اشیاء بنگلہ دیش کی سرحد پرمیانمار کے مظلوم مسلمانوں کے کیمپ میں تقسیم کی ہے۔

تفصیلات کے مطابق ایران کی وزارت خارجہ کے ایشیائی اور بحرالکاہل امور کے ڈائریکٹر ابراہیم رحیم پور کی سرپرستی میں ایران کی طرف سے ارسال کردہ امدادی سامان بنگلہ دیش کی سرحد پرمیانمار کے مظلوم مسلمانوں کے کیمپ میں تقسیم کی گئی۔ ایرانی وفد کے مطابق میانمار کے مسلمانوں کی حالت ناگفتہ بہ ہے اور انھیں طبی اور غذائی اشیا کی سخت ضرورت ہے۔ ایرانی حکام نے مزید امدادی اشیاء بھی بنگلہ دیش روانہ کرنے کا اعلان کیا ہے۔

ایران کی ہلال احمر کی ایک ٹیم بھی بنگلہ دیش کی سرحد پر میانمار کے مسلمانوں کے درمیان موجود ہے۔ ایران نے میانمار کے مسلمانوں کے لئے صحرائی اسپتال اور ایک کیمپ بنانے کا اعلان کیا ہے ۔ ایرانی حکام مزیر امداد پہنچانے کی کوششوں میں مصروف ہیں۔ گذشتہ پچیس اگست سے میانمار کے صوبہ راخین میں روہنگیا مسلمانوں پر فوج اور انتہا پسند بدھسٹوں کے وحشیانہ حملوں میں اب تک چار لاکھ مسلمان اپنے گھر بار چھوڑ کر بنگلہ دیش پہنچ چکے ہیں جبکہ ان حملوں میں ہزاروں افراد جاں بحق اور زخمی ہوئے ہیں۔

Leave a comment

Make sure you enter the (*) required information where indicated. HTML code is not allowed.