تازہ ترین

آرمی چیف نےکالعدم سپاہِ صحابہ اور لشکرِ جھنگوی کے 4 تکفیری دہشتگردوں کی سزائے موت کی توثیق کردی

  • منگل, 06 دسمبر 2016 09:29

شیعہ نیوز ( پاکستانی شیعہ خبر رساں ادارہ )پاک فوج کے نومنتخب سربراہ جنرل قمر جاوید باجوہ نے فوجی عدالتوں سے سزائے موت پانے والےکالعدم سپاہِ صحابہ اور لشکرِ جھنگوی کے 4 سفاک تکفیری دہشت گردوں کی سزا کی توثیق کردی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے 4 تکفیری دہشتگردوں کی سزائے موت کی توثیق کردی، ان دہشت گردوں کے خلاف فوجی عدالت میں مقدمات کی سماعت کی گئی، شواہد کی روشنی میں انہیں سزائے موت سنائی گئی تھی۔ ترجمان نے کہا کہ سزا پانے والے چاروں تکفیری دہشت گردوں کا تعلق کالعدم سپاہِ صحابہ اور کالعدم لشکرِ جھنگوی سے ہے اور یہ تمام دہشتگرد عام شہریوں، سیکیورٹی فورسز اور اے ایس ایف اہلکاروں کے قتل کے علاوہ کراچی ایئرپورٹ فورسز کے قافلے پرحملے میں بھی ملوث تھے۔

ترجمان پاک فوج کا کہنا تھا کہ سزا پانے والے تکفیری دہشت گردوں نے مجموعی طور پر 58 افراد کو قتل کیا جب کہ گل زرین ولد گل شریف پولیس کانسٹیبل سرتاج کے قتل میں ملوث تھا جب کہ دیگر دہشت گردوں میں عطاالرحمان ولد فقیرمحمد، محمد صابر ولد الطاف گل اور فاروق بھٹی ولد محمد اسحاق شامل ہیں۔آئی ایس پی آر کے مطابق سزائے موت پانے والے تکفیری دہشت گرد کراچی میں سی آئی ڈی بلڈنگ، آئی ایس آئی آفس سکھر پر حملے میں بھی ملوث تھے جب کہ ایس ایس پی چودھری محمد اسلم کوبھی اِن ہی دہشت گردوں نے قتل کیا، اِن دہشت گردوں نے ایس ایس پی فاروق اعوان سمیت 226 افراد کوحملوں میں زخمی کیا۔

Leave a comment

Make sure you enter the (*) required information where indicated. HTML code is not allowed.